Seeny sy lipat ja mery khawabon sy nikal kar
ik bar milain ham bhi hijaabon sy nikal kar
kirno ki tarha baant zamany main ujala
khushbo ki tarha phail gulabon sy nikal kar
maye khano ki soorat hain teri jheel si aankhain
dooby hain jahan log sharabon sy nikal kar
mujh ko bhi gawara nehi ab tujh sy bichrna
dil bhi hai pareshan sarabon sy nilkal kar
rehny do abhi gardish-e-doran main hi saghar
behly gi na tabiyat azaboon sy nikal kar
No comments:
Post a Comment