soch'ta hon......

Soch'ta hon mohabat sy kinara kar lon
dil ko begana e targheeb o tamna kar lon

soch'ta hon k mohabat hy janoon o ruswai
chand bekar sy behoda khayalon ka hajoom

ik azad ko paband banany ki kawas
ik begany ko apnany ki sai-e-mohoom

soch'ta hon k mohabat hy saroor o masti
is ki tanveer sy roshan hy fiza e hasti

soch'ta hon k mohabat hy bashar ki fit'rat
is ka mit jana mita dena bohat mushkil hy

soch'ta hon k mohabat sy hy tabinda hayat
aap ye sham'aa bujha dena bohat mushkil hy

soch'ta hon k mohabat pe kari shartain hain
is tamadun main musarat py bari shartain hain

sochta hon k mohabat hy ik afsurda si lash
chadar e izat o namoos main kafnai hoi

dor e sarmaya ki rondi hoi ruswa hasti
dargah e mazhab o ikhlaq ki thukrai hoi

soch'ta hon k bashar or mohabat ka janoon
aisy bosida tamadun main hy ik kar e zaboon

soch'ta hon k mohabat sy kinara kar lon